Vestland Fylkesting vil ikkje gå i fredsmarsj

Medan Fylkestinget ikkje vil vere med, er det mange andre som vil. Les meir om Fredsmarsjen her.

Interpellasjonen, som vart fremma av Rita Tonning var slik:

Interpellasjon til Vestland fylkesting 1-2.oktober 2024: Støtt fredsmarsjen for Palestina 27. oktober

27. oktober er årsdagen for Israels storstilte krig mot Gaza-stripa. Åtaket mot Gaza skjedde som ein rein hevnaksjon for Hamas sitt angrep samme dag. Den snart 12-månader lange bombinga av Gaza har ført til enorme lidingar og så godt som all infrastruktur er øydelagd. I mars sa FNs spesialrapportør for Palestina at Israel har brote tre av fem lovar i folkemordkonvensjonen.

Eit overveldande fleirtal i det norske folket støttar Palestinas sak. Mange i Vestland kjenner på både sinne og maktesløyse. Fredsmarsjinitativet i Bergen har no tatt initiativ til fredsmarsjar over heile Noreg den 27. oktober. Målet er å visa solidaritet med det palestinske folket og gi alle eit høve til å engasjera seg mot krigen. Parolane for fredsmarsjen er “Stopp folkemordet” og “Fritt Palestina”.

Støtte frå fylkestinget i Vestland vil vere svært viktig for fredsinitiativet og det vil vere eit sterkt uttrykk for solidaritet med krigens ofre.

• Er fylkesordførar samd i at det er viktig å vise solidaritet med det Palestinske folk gjennom ein fredsmarsj?
• Anser fylkesordføraren det som naturlig å slutte seg til fredsmarsjen som følge av vedtaket om våpenkvile gjort i fylkestinget 02. november 2023?
• Samd i FNs United Nations General Assembly (UNGA) sitt overveldande fleirtal som gir Israel ein tidsfrist for å trekke seg ut av dei okkuperte palestinske områda?
  

Framlegg til vedtak:
Vestland fylkesting støttar initiativet til fredsmarsj for Palestina og oppmodar innbyggarane til å ta del av fredsmarsjen 27. oktober.
På vegne av Raudt Vestland og Vestland SV