Sjukehusa må finansierast over statsbudsjettet
Raudt Vestland har fremma denne fråsegna om finansieringa av sjukehusa og helseføretaksmodellen.
Fråsegn til Vestland fylkesting 1-2.oktober 2025
Vestland fylkesting meiner at dagens finansieringsmodell i helseføretaka undergrev likeverdige og behovsbaserte helsetenester. Modellen gir uheldige insentiv, skapar press på tilsette og fører til at betydelege ressursar går til renter og avdrag på sjukehusbygg i stadenfor pasientbehandling slik vi erfarer i Helse – Førde med innsparingskrav på 100 millionar kroner som kan føre til nedlegging av ortopedisk aktivitet ved Lærdal sjukehus, samt redusere tilbodet «Ein god start» som ein del av barselomsorga på Nordfjordeid og Lærdal. I tillegg blir det vurdert å redusere ta ambulansestasjonar i Helse – Førde.
Staten må leggje om finansiseringssystemet slik at investeringar i sjukehus vert finansierte direkte over statsbudsjettet, og slik at ressursane i helsetenesta blir fordelte etter behov framfor aktivitetsmål.
Sendast til regjering og storting, helse- og omsorgsdepartement v/ helseminister Vestre og finansedepartementet v/ Stoltenberg