Program

Raudt Stord valprogram for 2023 - 2027

Kampen mot Forskjells-Noreg er ei hovudsak for Raudt. Vi ynskjer å byggje ned forskjellane i samfunnet. Me meiner det er ei av vår tids største utfordringar som samfunn. Dei siste åra har det vore ei eskalerande forskjellsutvikling. Til dømes er barnefattigdommen dobla, det er stor auke i matkøar, og det er stadig fleire som slit med å betale rekningane sine når prisane på straum, mat og andre nødvendige varer stadig aukar.

Raudts politikk handlar om å ta vare på medmenneske og motarbeide all diskriminering og rasisme. Me vil byggje eit trygt samfunn som alle kan delta i.

Me ynskjer å utvikle lokaldemokratiet, kulturlivet, og velferdstilboda i heile kommunen. Me ynskjer å gjera Stord til ein livskraftig og attraktiv kommune, der folk trivst og som fleire får lyst å flytte til.

RAUDT VIL:

Auke minstesatsen for sosialhjelp til et nivå det er råd å leve av.
Senke prisar på barnehage og på sikt jobbe mot gratis barnehage.
Innføre gratis SFO fram til 4.klasse.
Redusera eigendelar på kultur og idrettsaktivitetar
Inngå samarbeidsavtale med NAV, og næringslivet om senke terskelen i arbeidslivet slik at ungdom og andre ledige med utfordringar kan prøve seg i arbeid i ein periode.

Barnehage og skule

Raudt vil slå ring om fellesskulen. Raudt Stord ynskjer vidare fokus på å løysa dagens utfordringar i oppvekstsektoren. Raudt vil styrke laget rundt eleven. Vi vil styrke skulane med helsesjukepleiar som har tid til barna, miljøarbeidarar, fagarbeidarar og andre viktige yrkesgrupper. Skulane treng godt utbygde støttetenester som PPT, og barne- og ungdomspsykiatri (BUP) med mange nok tilsette. Raudt vil satse på bibliotek, fritidsklubbar og alt det som er med på å gje ungdommar sine liv meining og innhald.

Raudt skal kjempa for at alle tilsette i barnehagar og skular skal få tid til å gjera ein best mogleg jobb, vere involvert i prosessar på eigen arbeidsplass og verte tekne på alvor som fagpersonar med rett til å ytre seg offentleg.

RAUDT VIL:

Auke grunnbemanninga av faglærte i barnehage og skule.
Fokusere på trivsel og skulemiljø ved å sikre fleire og betre turar, læremiddel og leikar, samt samarbeide med MOT
Styrke elevressursen for å møte særskilte utfordringar tidleg, til dømes betre tilgong på spesialundervisning, vikarar, møte med BUP, PPT
La elevressursen frå skulen følgje eleven også til SFO
Setje skular og barnehagar fri frå dagens overdrivne målstyring
Styrke vedlikehaldet av barnehagar og skular i kommunen
Snarast realisere utbygginga av Langeland skule

Helse og omsorg

Ei av våre viktigaste oppgåver er å sikre og styrkje gode offentlege velferdstenester til alle som treng det. Raudt vil at omsorg for born, personar med assistansebehov, og eldre skal vere eit offentleg ansvar, og vere tenester av høg kvalitet med brukarmedvirkning. Helsetenester skal ikkje vere butikk og tenestene skal ikkje setjast på anbod.

Kommunen vil innan få år få fleire og fleire eldre som treng assistanse frå kommunale helsetenester. Heimetenesta i Stord kommune har kjent på tøffe tak i lang tid. Arbeidspresset er krevjande, og sjukefråværet er stort. Mangelen på helsepersonell er og vil bli endå større. Institusjonane slit stort med å få tak i folk, og det er tøffe tak med høgt arbeidspress som gjer at våre tilsette har ein krevjande arbeidskvardag.

RAUDT STORD VIL:

Snarast tilføra meir ressursar til RHO-tenesta og setja i verk tiltak som betrar rekrutteringa, reduserer sjukefråveret og fremjar godt arbeidsmiljø
Auka antal heiltidsstillingar og sikre at ingen jobbar ufrivillig deltid
Timesatsbetalinga for støttekontaktar må aukast for å rekruttera fleire støttekontaktar
Gje vidareutdanning til tilsette og etablere kompensasjonsordningar for tilsette som ynskjer vidareutdanne seg
Sikre god tilgjenge på heimehjelp, med lågast mogleg eigenbetaling
Seie nei til konkurranseutsetjing og privatisering av helsetenester
I større grad bruka dei tilsette og brukarane sin kompetanse og erfaringar for å betra tenestene
Krevja betre universell utforming av kollektivreiser, som betre utforma haldeplassar
Arbeida for eit interkommunalt krematorium og eige lokale for livssynsnøytrale seremoniar
Byggja ny sjukeheim på kommunal tomt i Sagvåg så snart som råd
Realisere bufelleskap på Heiane

Rus og psykisk helse

Raudt Stord meiner alle har krav på eit verdig liv. Me vil ha gode behandlingstilbod for menneske med psykiske helseutfordringar, rusavhengighet og personar med rus- og psykisk liding (ROP-liding).

RAUDT STORD VIL:

Ha gode behandlingstilbod på Stord til alle rusavhengige, og menneske med psykiske helseutfordringar
Ha fokus på både akutt hjelp og rehabilitering.
Gjeninnføre og styrka ordninga med erfaringsmedarbeidar i rus og psykisk helsetilbodet.
Vidareutvikla bustadtilbodet for rusavhengige – med naudsynt tilsyn heile døgnet.
Styrka lågterskeltilbodet, mellom anna med ein oppsøkjande tillitsperson i gatebiletet
Jobba for eit godt samarbeid mellom kommunale tenester og spesialisthelsetenesta

Kultur og idrett

Kultur er god samfunnsøkonomi! Eit rikt kulturliv gjev trivsel, god helse, og bidreg til stabil busetjing. Stord har mange frivillige lag og organisasjonar. Raudt Stord vil styrkje desse.Kommunen må vere ein større aktør i arrangement som fremjar kultur og historie på Stord, som festivalar og torgdagar.

Høg kontingent i kulturskulen og idretten gjer klasseskilja større. Kulturtilboda skal vere for alle! Born og unge sine moglegheiter skal ikkje vera avhengig av foreldra sin økonomi.

RAUDT VIL:

Styrkja tilbodet til kulturskulen og kommunal støtte til kor, musikkorps og idrettslag
Sikra drifta av fritidsklubbane
Støtte utviklinga av biblioteka som samlingspunkt
Støtte fleirkulturelle møteplassar som treffa i Leirvikstova, og etablere nye liknande møteplassar
Støtte kulturelle initiativ som set Stord i sentrum og skapar liv og glede.
Redusera eigendelar på kultur og idrettsaktivitetar
Rehabilitere symjebassenget i Stord kulturhus og kjøpe ny vassklie
Betre fasilitetar og vedlikehald av dei kommunale badeplassane

Industri, næring og miljø

Industrien i Stord kommune er den viktigaste inntektskjelda både for innbyggjarane og kommunen, og basis for bu- og levevilkåra i distriktet. Ein heilskapleg industripolitikk må bygge på, og videreutvikle, petroleumsnæringa sine verdifulle bidrag til verdiskaping, sysselsetting og innovasjon. Industrien vil vere heilt essensiell i å lukkast med det grøne skiftet. Difor skal ingen industriarbeidsplassar forsvinne før nye er skapt; arbeidsfolk skal ikkje omstillast til arbeidsløyse!

Raudt vil jobbe for å ta vare på, og vidareutvikle, industrien gjennom ein aktiv industri- og næringspolitikk. Me vil arbeide for at areal og infrastruktur vert lagt til rette for ny industri.

RAUDT VIL:

Opprette eit lokalt industrifond, med føremål å gjere strategiske investeringar i industriproduksjon for å sikre teknologisk utvikling og utvikle fleire industriarbeidsplassar.
Jobbe for å gjere demolering av offshoreinstallasjonar og resirkulering av metallar til satsingsindustri på Stord.
Støtte opp om Nasjonal kompetansesenter for yrkesfag på Stord
Jobbe for langsiktig, føreseieleg finansiering av forsknings- og pilotprosjekt på karbon-fangst- og lagringsteknologi
Utgreie bruk av ENØK-tiltak i alle kommunale bygg og sikre ENØK-tiltak i alle kommunale nybygg
Verne om dyrka mark ved planarbeid av bustad og vegar, samt verne om friluftsområde og strandsonen for ålmenta

Arbeidsliv

Stord kommune slit med å få nok kvalifiserte tilsette. Viktige velferdstenester er underbemanna og sjukefråværet er høgt. Heiltidsandelen på sjukeheimar er til dømes på kun 58%.

Denne arbeidsgjevarpolitikken er korkje bra for dei tilsette eller for velferdstenestene i kommunen. Raudt meiner vi treng ei arbeidstid som det er mogeleg å leve med i turnusarbeid. I første omgang må arbeidstida ved turnusarbeid ned på same nivå som heilkontinuerlige skiftarbeidarar i industrien, 33,6 timar per uke. På lang sikt må arbeidstida seinkast til 30-timars normalarbeidsveke. Først då kan kommunen lukkast med heiltidssatsing og å tilby tenester med den kvaliteten innbyggjarane fortener. I kampen mot målemani, overstyring og sosial dumping står Raudt på -arbeidsfolk si side.

RAUDT VIL:

Jobbe for fleire heiltidsstillingar i kommunen.
Gjere forsøk med 6-timars arbeidsdag med full lønskompensasjon på utvalde institusjonsplassar i kommunen
Sikre fagleg forsvarleg grunnbemanning og gode vikarordningar i skular, SFO, barnehagar, heimetenesta og helsetenestene.
At alle bedrifter som utfører oppdrag for kommunen skal ha tariffvilkår og likeverdige pensjonsvilkår.
At alle bedrifter som får kommunale skjenkeløyve skal ha tariffvilkår.
Innføre ei forsøksordning for å betre arbeidsmiljø og seinke sjukefråvær der ein kommunal barnehage får tilsetje to ekstra fulltidstilsette til det direkte arbeidet med barn.

Bustadpolitikk

Raudt vil ha ein kommune alle har råd å bu i! Bustadprisane på Stord er skyhøge, og mange unge slit med å få seg eigen bustad. Bustadmarknaden har vorte ei forskjellsmaskin der bustadprisane har vakse meir enn lønene i årevis. Leigemarknaden på Stord er liten og dyr.

Raudt meiner det er tydeleg at bustadspolitikken er for utbyggjarar, ikkje for innbyggjarar. Dagens bustadmarknad fungerer ikkje, og den sosiale bustadpolitikken må attreisast. Kommunen kan sjølv ta grep for å bøte på uretten ved å utvikle nye, rimelige utleiebustadar, avvikle prinsippet om gjengs leige, og etablere leige-til-eige- ordningar som kan hjelpe fleire til å kjøpe seg eigen bustad.

RAUDT VIL:

Jobbe for ein grundig gjennomgang av kommunen sine reguleringsplanar. Raudt er opptekne av å ta vare på og styrkje levande bygdesamfunn.
Etablere eit kommunalt tomteselskap der utbyggjarar konkurrerer om å få byggje dei beste og rimelegaste bustadane, der kjøparane får gode vilkår.
Setje av nok pengar til å vedlikehalde kommunale bustadar, og gjennomføre regelmessige kontrollar for å hindre forfall.
Redusere leigeprisane i kommunale bustadar og gå vekk frå prinsippet om “gjengs leige”.

Stord by som regionsenter

For å få Stord til å vere eit handels- og kultursenter for Sunnhordlandsregionen må utviklinga av kommunen og særleg i sentrum vere under politisk styring. Å verte eit regionssenter med tiltrekningskraft vil krevje fokus på dette i næringspolitikk, kulturpolitikk, bustadpolitikk, arealplanlegging og planlegginga av ny infrastruktur.

Stord har bygd fleire nye fine bygg som fungerer godt, men dei treng vedlikehald, reinhald og stell for å vere fine, gode bygg lenge.

RAUDT VIL:

Jobbe for utbygging av nye tur- og sykkelstiar i heile kommunen. Styrke tekniske tenester for å vedlikehalde bygg, vegar, turvegar og grøntområde
Arbeida for å styrka kommunikasjonssambandet til Kvinnherad og regionen, utan å gjera unødige og omfattande inngrep i naturen.
Styrke kollektivtilbodet i regionen og samkøyre ferje- og bussruter, og jobbe for betre korresponderande løysingar for kollektivtrafikken i Sunnhordlands- bassenget
Ha fleire og billigare hurtigbåtavgangar i Sunnhordaland-regionen
Seie nei til bompengar – vegutbygging er ei offentleg oppgåve.
Seie nei til 4-felts motorveg over Landåsen og Bjørnafjorden.
Seie nei til bygging av vindturbinar og høgspentmaster på Stordøya.
Seie ja til å ta vare på urørt natur og dyreartar. Høgspentkablar skal leggjast i jord eller sjø.

Kommunale avgifter

Raudt meiner at det er viktig for forbrukarane at vatn- og avløpstenestene blir drive så godt og effektivt som mogeleg. Etterslepet på vedlikehald og modernisering av VA-infrastrukturen i Stord kommune er stort. Investeringar i vatn og avløp er naudsynte for å sikra reint drikkevatn og forsvarleg avløp til innbyggjarane i Stord kommune.

Disse investeringane har gitt uvanleg høg avgiftsauke for folk sidan vatn- og avløpstenestene blir finansiert etter sjølvkostprinsippet.

RAUDT VIL:

Redusere investeringstakta for nyinvesteringar, slik at dei fordelast på fleire generasjonar.
Jobbe for å halde avgiftsnivåa nede i hele komande valperiode
Jobbe for at dei kommunale avgiftene blir momsfrie