Vil tilsette valkampmedarbeidar

Raudt Hordaland søkjer valkampmedarbeidar i prosjektstilling for perioden frå 5. mai til 1. oktober 2025. Stillinga er ein 100% stilling i heile perioden.

Valkampmedarbeidaren si hovudoppgåve er å følgja opp vedtekne planar for valkampen og koordinera valkampen i Raudt Hordaland. Ein viktig del av jobben består i å koordinera, organisera og mobilisera valkampaktivistar i partiet, halda oversikt over valkamputgifter og jobba med større valkamparrangement. Medarbeidaren rapporterer til Arbeidsutvalet i Raudt Hordaland, og vil ved behov møta på arbeidsutvalsmøta annakvar veke.

Stillinga er lagt til Raudts partikontor i Hans Tanks gate. Der vil du arbeide med valkampen saman med toppkandidatane, tillsett regionssekretær og personar frå Stortingssekretariatet.

Den siste månaden av valkampen er hektisk, og me søkjer ein valkampsekretær som kjenner Raudt Hordaland frå før av og som handterer å jobba under høgt press.

Arbeidsoppgåver:

• Følgja opp vedtekne planar for valkampen
• Bistå Raudts kandidatar til Stortinget under valkampen
• Informasjonsarbeid, både internt og utetter
• Planlegge, organisera, delegera og gjennomføra møte, skoleringar, arrangement o.l.
• Kontakt med alle ledd av partiorganisasjonen, andre organisasjonar og andre som vender seg til Raudt Hordaland under valkampen.
• Ha ansvar for valkampbua på Torgallmeningen

Ønsket kompetanse og kvalifikasjonar:

• Har erfaring frå valkamp eller liknande arbeid
• God kjennskap til Raudt Hordaland er ein føresetnad
• God forståing og kompetanse i bruk av sosiale medium
• Ha god munnleg og skriftleg framstillingsevne
• Annen relevant erfaring og/eller relevant utdanning kan også tilleggjast vekt

Egenskaper me ser etter:

• Du kan arbeida sjølvstendig og systematisk, men du liker også å samarbeida med andre
• Du har gode organisatoriske evner og arbeider metodisk når det tidvis er hektisk
• Du står inne for Raudts politikk

Stillinga inneber noko arbeid på ugunstig tid (helg og kveld).

Stillinga er mellombels. Lønns- og arbeidsvilkår er etter tariffavtale mellom Handel og Kontor og Arbeiderbevegelsens arbeidsgivarforeining.

Kvinner og personar med minoritetsbakgrunn blir oppmoda til å søkja.

Spørsmål om stillinga kan rettast til Torstein Dahle (leiar Raudt Hordaland) på 915 84 383 eller regionssekretær Per Arne Flatberg på 911 688 22. Spørsmål knytt til tariff eller anna regulert av fagforeininga (HK) kan rettast til klubbleiar, Sol Skipnes på sol@roedt.no.

Arbeidsstad: Hans Tanks Gate 17

Søknadsfrist: 9. mars

Tiltreding: 1. mai

Søknad med CV kan sendast til hordaland@roedt.no