Kom på Odda-konferansen
Raudt Hordaland og Raudt Ullensvang inviterer til årets viktigaste konferanse om kommunalpolitikk i Odda 10. og 11. oktober. Saman ser vi på konsekvensane av statsbudsjettet for kommuneøkonomi, velferden og fagrørsla.
For tredje året på rad inviterer Raudt Ullensvang og Raudt Hordaland til kommunalpolitisk haustkonferanse i kommunestyresalen i Rådhuset i Odda!
Konferansen skjer helga etter at regjeringa har lagt fram sitt statsbudsjettforslag i Stortinget 7.oktober.
Hovedtemaet laurdag 10. oktober kl. 11:00-17:00 er konsekvensane av statsbudsjettet for kommuneøkonomien, velferden og fagrørsla. I tillegg vil det bli erfaringsutvekslingar og vidareutvikling av kommuneopprøret hausten 2026 med fokus på Raudt og Raud Ungdom si rolle lokalt, på fylkesplan og sentralt. Dette vil og vere nyttig for nye kandidatar til kommune- og fylkestingsvalet 2027.
Laurdagskvelden blir det festmiddag i «Den raude sal» på Sentralbadet Litteraturhus i Odda med kulturelle innslag, festtalar, allsong og sosialt samvær.
Søndag 11. oktober kl. 10:00-15:00 vil temaet vere korleis partiet kan utvikle lokale og fylkesvise valprogram for 2027 med spesielt fokus på arealforvaltning, energi-, miljø- og klimapolitikk.
PÅMELDING: Påmelding via PÅMELDINGSSKJEMA innan 10. september.
For dei som ikkje har høve til å delta fysisk på Odda-konferansen, vil det vere høve til å følgje konferansen digitalt om ein melder seg på innan same frist. Etter påmeldingsfrist blir det sendt ut informasjon om innbetaling av avgift for deltaking og festmiddag. Aktuell bakgrunnsinformasjon vil bli sendt ut til alle deltakarar før konferansen.
DELTAKARAVGIFT: 500 kr per person for heile konferansen / 250 kr per dag.
Deltakaravgiften går til mat og anna servering under konferansen. Festmiddag er ikkje inkludert i deltakaravgift og blir på ca. 350 kr per person ut frå kor mange som deltek. Deltarakavgift og festmiddag kan søkjast dekt av eige lokallag.
OVERNATTING: Raudt Ullensvang booker overnatting basert på påmeldingsskjema. For å halde utgifter nede ber vi om at dei som ønskjer enkeltrom betalar mellomlegg sjølv. Deltakarar må sjølv leggja ut for overnatting ved ankomst og vi oppmodar alle om å søkje lokallaget eller fylkeslaget sitt om dekking av reise og overnatting.
Raudt Hordaland har sett av kr. 20.000,- for dekking av reise/ overnatting etter søknad for deltakarar frå Raudt Hordaland. Alle andre kan søkje om økonomisk støtte frå eige lag og fylkeslag.
TRANSPORT OG PARKERING: Bussamband til Odda terminal ved ovn 3 på Smelteverkstomta eller parkering på P-plass mellom LO-huset og Rådhuset i Odda.
Ved spørsmål ta kontakt!
Med helsing på vegner av arrangørane, leiarar av Odda-konferansen 2026:
- Lisa Karine Haugland (lokallagsleiar Raudt Ullensvang) e-post: lisakarineh@gmail.com / tlf.: 915 35 189
- Terje Kollbotn (stortingsrepresentant for Raudt Hordaland frå 30.09.26) e-post: terjekollbotn@gmail.com / tlf.: 971 94 073