Raudt Stryn sitt alternative framlegg til budsjett for Stryn kommune i 2025 med verbalframlegg.

(Endringar i kommunedirektøren sitt framlegg til budsjett for 2025)

Tiltak og drift
Aktiviserings- og inkluderingstiltak iflyktningstenesta 200 000
Auke til den kommunale potten til sosialhjelp 500 000
Auka stillingsmidlar til Stryn omsorgssenter/ heimehjelptenestene 800 000
Utbetring av uteområdet ved Stryn ungdomsskule 200 000
Auke i driftsbudsjettet til Barnehagebussen 100 000
Tilskot til Coop Fjelli for utføring av tenester som Kommunalt servicepunkt 50 000
Tilskot til Joker Hjelledalen for utføring av tenester somKommunalt servicepunkt 50 000

Sum tiltak: 1 900 000


......................................................................................................
Kutt

Næringsformål og spesielle utviklingstiltak - 500 000
Kutt i kjøp av konsulenttenester til planarbeid - 100 000
Kutt i kommunikasjonsstrategi og kommunikasjonsplan - 100 000
Kutt i Vedlikehald kommunale bustadar - 300 000
Kutt i Vedlikehald kommunale vegar - 300 000
Kutt i driftsbudsjettet til Stryn kyrkjeleg fellesråd: - 650 000

Sum kutt: - 1 900 000

..........................................................................................................

Verbalframlegg

1. Utrekninga av ordførarlønna i 'Forskrift Godtgjersle Tapt arbeidsforteneste» skal endrast frå dagens regulering på 86,5 % av stortingsrepresentantars lønn til 67,8 av stortingsrepresentantars lønn. Slik skal alle andre godtgjersler som no regulerast som ein prosentdel av ordførarlønna òg nedjusterast.
2. Stryn kommune skal innføre regjeringas nye ordning for kommunal turistskatt i Stryn, og utvide denne til å òg gjelde for cruiseturisme dersom det blir opna opp for det i framtida.
3. Stryn kommune skal lage ein plan for å fase ut bruken av innleie av helsevikarar med auke i eigen bemanning, herunder bruk av ein eigen kommunal vikarpool med fast tilsette til dei kommunale helsetenestene.
4. Stryn kommune skal gjennomføre ein anonymisert undersøking om kor mange deltidstilsette i Stryn kommune som ønskjer å arbeide heiltid, for å få kartlagt omfanget av ufrivillig deltid.

5. Stryn kommune skal spørje eigaren av gamle Yris hotell i Olden og tomta dette bygget står på om vedkommande er villig til å selje tomt og bygg til kommunen, og kva det i så fall vil koste. Dette skal gjerast med eit mål om å opprette ikkje-kommersielle kommunale utleigebustadar med leigepris under dagens marknadsnivå.

6. Bedrifter som er organisert som såkalla arbeidarkooperativ, det vil seie at dei er eigd og styrt demokratisk av alle dei som arbeidar i bedriften, skal få førsterett på oppstartsstøtte frå Stryn kommune.

7. Stryn kommune skal i samarbeid med lokale matprodusentar utarbeide eit framlegg, med kostnadsomslag, om lokalisering til ein plass i Stryn sentrum på kommunalt eigd grunn, for permanente fleirbruks-salsbodar med tak, dørinngang i eine veggen, tre veggar og front som kan variere mellom å vere helt og delvis lukka. Desse bodane skal kunne nyttast vederlagsfritt av den lokale REKO-ringen og eventuelt andre frittståande lokale produsentar til sal av anten mat eller alkoholfri drikke. Kostnadane knytta til opprettinga av desse permanente salsbodane skal finansierast av Næringsformål og spesielle utviklingstiltak .

8. Dersom det i 2025 endar opp med å vere å tilfelle at det samla utbytte frå Stryn kommune sine kommunale eigarskap er høgare enn ein har budsjettert med skal 10 % av differansen løyvast til den kommunale potten for sosialhjelp.